Казанда «Автомобильләр ремонтлау буенча слесарь» һөнәренә өйрәтү өчен төркем ачылды.
Теләүчеләр теркәлү урыны буенча халыкны эш белән тәэмин итү үзәгенә мөрәҗәгать итә ала.
Автомобильләр ремонтлау буенча слесарь (автослесарь) транспорт чараларының торышын һәм төзеклеген тикшерү өчен җавап бирә. Әлеге һөнәр вәкилләре автомобильләрне җыю-сүтү һәм ремонт эшләрен башкара. Алар яхшы координациягә ия, транспорт чараларының катлаулы механик яки электрон системалары рәтен белә. Программада катнашу шартлары турында тулырак мәгълүматны район мәшгульлек хезмәтендә ачыкларга мөмкин – тулырак мәгълүмат Казанның Халыкны эш белән тәэмин итү үзәге сайтында урнаштырылган (http://kazantrud.ru/).
