Белем бирү һәм һөнәр сайлауда Алабуганы үрнәк итеп куялар. Казан федераль университетының мәктәбе ай-ти, химия-биология һәм социаль-икътисади юнәлешләргә йөз тота. Татарстан Президенты заманча мәгариф үзәкләренең мөһимлеген билгеләп үтте.
Җирле политехника көллияте эшче кадрларын әзерли. Чыгарылыш сыйныф укучылары Алабуга предприятиеләренә һәм резидентларына эшкә бара.
Кызгылт-сары төстәге ике йөз микроавтобус республика районнарында укучыларга хезмәт күрсәтә. Иң мөһиме балаларның иминлеге, дип билгеләп үтте президент.
Рөстәм Миңнеханов Татарстан Республикасы Президенты
Кичәге укучылар Рөстәм Миңнеханов һәм Дәүләт Киңәшчесе Минтимер Шәймиев белән Бердәм дәүләт имтиханнары йомгаклары һәм киләчәккә планнары белән уртаклаштылар. Бу югары уку йортларына керү өчен яхшы старт, — диде президент.
Рөстәм Миңнеханов Татарстан Республикасы Президенты
Сезнең Татарстан, Мәскәү, Санкт-Петербург югары уку йортларында белем алуыгызны теләр идем. Бернинди чикләүләр дә юк. Мин һәрвакыт әйтә киләм, укучылар кайда тели – шунда укырга тиеш, дип. Сезнең белән элемтәләрне саклап калырга телибез, уку тәмамланганнан соң, сез республикага кабат әйләнеп кайта аласыз.
Ә бу балаларга мәктәп юлы башлана гына әле. «Мәктәпкә җыенырга ярдәм ит» акциясе буенча 14 беренче сыйныф укучысы уку-язу әәсбаплары тутырылган букчалар алды. Рөстәм Миңнеханов балаларны уку елы башлану белән котлады.
Мәгариф өлкәсендәге зур үзгәрешләр турында педагогларның традицион конференциясендә сөйләштеләр. Укытучылар пандемия шартларында эшләде. Киләчәктә ярдәм чаралары көчәйтелә.
Рәфис Борһанов, ТР Премьер-министры урынбасары — мәгариф һәм фән министры
Телләрне саклау һәм өйрәнү мөһим мәсьәлә, шуңа күрә педсовет күп телле яңа комплекста очраклы гына үткәрелмәде. Анда укучылар өч телдә белем ала. Комплекслар Татарстанның төрле районнарында төзелә. Бурыч — барлык балалар өчен тигез мөмкинлекләр булдыру, дип билгеләп үтте Татарстан Президенты.
Рөстәм Миңнеханов Татарстан Республикасы Президенты
«Телләр мәсьәләсе бар, ана теел һәр милләт кешесе өчен якын, ул туган телен белергә тиеш. Без бер-беребезнең нечкәлекләрен белсәк, тынычлык һәм татулык та була.
Татарстанда мәгариф өлкәсен заманчалаштыру өлкәсендә күп эшләнә. Минтимер Шәймиев билгеләп үткәнчә, республика бу юнәлештә үсештә.
Минтимер Шәймиев Татарстан Республикасы Дәүләт Киңәшчесе
Без һәр яңалыкны тиз үзләштерәбез, тиз арада гамәлгә кертәбез, безнең Президентыбыз заманча, тирән уйлары-эше белән мөһим.
Традиция буенча президент Татарстан педагогларына фидакарь хезмәтләре өчен рәхмәт белдерде. Россия һәм Татарстанның дәүләт бүләкләрен тапшырды. Яңа уку елын традицион көндезге форматта башларга планлаштыралар.
Алмаз Хәкимов, Татарстан яңалыклары.
