Беренче татар онлайн-мәдрәсәсе эшли башлауга әле кайчан гына. Ә белем алырга теләүчеләр саны 23 меңнән артып киткән. Мәгълүм булганча он-лайн мәдрәсә Татарстан Диния нәзарәте белән Хозур» нәшрият йортының уртак проекты. Заманча уникаль гыйлем мәйданчыгы турында безнең махсус репортаж.
Онлайн-мәдрәсәдә бирелгән лекция, дәресләрнең эчтәлеге Татарстанның диния нәзарәте методистлары тарафыннан төзелгән һәм төп методик әсбап булып «Ислам дине нигезләре» китабы алынган. Башлангыч дини белем алырга теләүчеләрне аеруча мәдрәсәнең үз өйләрендә булуы җәлеп иткән. Беренчедән анда теркәлү бик җиңел.
Онлайн –мәдрәсәнең тагын бер өстендеге ул вакыт ягыннан чикләнмәгән.
Җиде фән буенча видеодәресләр яздырылган. ислам хокукы (фикъһ), гакыйдә, Коръән һәм тәфсир, ислам әхлагы, гарәп теле һәм тәҗвид.
Татарстанның баш казые Җәлил хәзрәт Фазлыев та балаларга бүген әхлак тәрбиясе кирәклеген вәгазьләрендә еш кабатлый. Шуңа да ислам әхлагы дәресләре иң беренче булып урнаштылырлган. Һәр дәресне үткәннән соң тест сораулары бирелә. Кызыксынып җавап биреп караган идек тә әхлак тестын уңышлы үттек.
Дәресләрне яздыруда республиканың алдынгы мәдрәсәләрендә һәм университетларында югары дини гыйлемле мөгаллимнәр катнашкан. Укытучыларның һәр кандидатурасы Татарстан мөселманнары Диния нәзарәте тарафыннан сайлап алынган.
Проектны булдыруның төп максатларының берсе — пандемия шартларында да белем алу мөмкинлеген тудыру дип аңлатты Татарстан мөфтие Камил Сәмигуллин һәм аның ислам динен өйрәнүдә беренче баскыч икәнлеген дә аерым билгеләп үтте.
Онлайн-мәдрәсә мәчетләре булмаган яисә мәчет каршындагы курслар оештырылмаган җирлекләрдә яшәүче яки вакыты кысынкы булган милләттәшләребезгә башлангыч дини белем алу өчен дә бер форсат.
Шуңа күрә теркәлгәндә үз исемеңне дөрес итеп тулысынча язырга кирәк.
Мөршидә Җиһан Ирек Хәмидуллин Татарстан яңалыклары .
