Мәгариф, мәдәният, фән һәм милли мәсьәләләр комитеты утырышында 2022 елга һәм 2023 һәм 2024 еллар план чорына республика бюджеты турында закон проекты каралды. Тулырак хәбәрчебез Мөршидә Җиһан язмасында
Акча санаганны ярата. Өстәвенә гыйлем, фән, әдәбият-сәнгать белән бәйле җәмгыятьнең рухи кыйммәтләрен тәшкил иткән тармакта аеруча игътибарлы булырга кирәк. Кайсы гына юнәлешне алсаң да барысы да әһәмиятле. Шуңа да чыгыш ясаучылар комитет карамагындагы юнәлешләрне финанслау мәсьәләләренә аерым тукталды. » Социаль-мәдәни өлкә » — бюджет чыгымнарының иң зур бүлеге. 2022 елда әлеге маддә буенча бюджет чыгымнары күләме 109,8 млрд.сумга җитә. Бу чыгымнарда мәгариф, һәм мәдәният учреждениеләре төзү, башлангыч сыйныф укучыларын кайнар аш белән тәэмин итү, укытучыларг а сыйныф җитәкчелеге өчен өстәмә түләү һәм башка мәсъәләләр исәпкә алынган .
Утырыш эшенә Эпидемиологик хәлнең начараюы сәбәпле видеоэлемтә аша кушылучалар да булды..Нәкъ шул чикләүләр нәтиҗәсендәге вәзгыть театр һәм башка мәдәни ошмларның хәлен аеруча мөшкелләтте. Депутат Александр Славутский коронавирус пандемиясе аркасында кертелгән чикләүләр аркасында театрларга нинди дә булса ярдәм планлаштырыламы, дип кызыксынды. Анык кына җавап бирелмәгәч. Утырышны алып баручы, Мәгариф, мәдәният, фән һәм милли мәсьәләләр комитеты рәисе Айрат Зарипов профильле министрлыкка ситуацияне анализларга һәм, кирәк булганда, әлеге мәсьәләне бюджет үтәлешендә исәпкә алырга тәкъдим итте.
2022 елда мәдәният һәм кинематографияне финанслауга консолидацияләнгән бюджет буенча — 17,3 млрд.сум, республика бюджетында 10,1 млрд. сум каралган.
Депутат Рамил Төхвәтуллин билгеләп үткәнчә, кинематографиягә бүлеп бирелә торган акчалар күләме җитәрлек түгел, бигрәк тә Татарстан киносын булдыруны финанслау кысаларында. Депутат Мәдәният министрлыгына бу мәсьәләдә күрше республика тәҗрибәсен өйрәнергә тәкъдим итте. Моннан тыш көн тәртибендә Мәгариф турында республика законына үзгәрешләр кертү турындагы закон проекты да каралды.Яңа Закон проекты типик таләпләрне раслау буенча вәкаләтләрне Мәгариф һәм фән министрлыгына тапшыру яклы.
Үзекнеке үзәктә дигәндәй, Массакүләм мәгълүмат чаралары» бүлеге буенча киләсе елда республика бюджетында 1,7 млрд.сум күләмендә акча каралган.Чагыштыру өчен, 3 ел элек ул 1.4 млрд тәшкил итә иде. Закон проекты беренче укылышта карау өчен әзерләнгән,ягъи алар барысыд да тулаем кабул ителер дип көтелми. Шулай да Мәгариф, мәдәният, фән һәм милли мәсьәләләр комитеты 2022 елга һәм 2023 һәм 2024 елларның планлы чорына республика бюджеты турында закон проектын хуплады
