Татарстанда «Все свои» дип исемләнгән контракт буенча хәрби хезмәткә ярдәм итү чарасы оештырылды. Интервью форматында белгечләр гражданнарны кызыксындырган контракт буенча хәрби хезмәт турындагы сорауларга җавап бирде. Телемарафонда махсус хәрби операция сугышчылары, аларның якыннары, хәрби комиссариат вәкилләре, хәйрия оешмалары, дәүләт эшлеклеләре һәм дин әһелләре катнашты. Тулырак хәбәрчебез язмасында.
Кая карама видеокамералар, журналистлар, фотографлар. Монда һәркем тыгыз эш белән мәшгуль. Телемарафон «ТНВ» телеканалында, ВКонтакте социаль челтәрендәге төркемнәрдә һәм муниципалитет сайтларында трансляцияләнде. Хәрби операция катнашучысының хатыны, шул ук вакытта «Җиңү өчен! Казан” гуманитар хәрәкәте җитәкчесе Евгения Коцарь халыкның булышуы безнең җиңү өчен бик мөһим, эшче куллар җитми, дип белдерде.
Турыдан-туры эфирга Яр Чаллы, Мамадыш, Түбән Кама шәһәрләреннән кушылды. Һәр район булдыра алганча булыша, киемнәр, азык-төлек, солдат хатлары бертуктаусыз җибәрелеп тора. Хәрби хезмәткә алу пункты башлыгы Евгений Токмаков контракт төзү таләпләренә ачыклык кертте. Контракт төзү буенча барлык сорауларга да 117 номеры буенча шалтыратып җавап алырга мөмкин.
Миләүшә Гыйльфанова, Александр Решеткин, Татарстан яңалыклары.
