Татарстанның Сарман районында Татар телен Һәм Татарстан Республикасында яшәүче халыклар вәкилләренең телләрен саклау һәм үстерү мәсьәләләре буенча зональ семинар-киңәшмә узды. Аның эшенә комиссия рәисе — Дәүләт Советы Рәисе урынбасары Марат Әхмәтов җитәкчелек итте.Семинар-киңәшмә эшендә журналист Ләлә Зәйнуллина да катнашты.
Милли традицияләр, тел мәсьәләләре һәрвакыт актуаль. Президентыбыз быелгы юлламада, башка бик җитди темалар җитәрлек булуга карамастан сүзен туган телдән башлады. Сарманда узган чарада әлеге мәсьәләнең мөһимлеге асызыкланды. Республиканың 11 районныннантөрле дәрәҗәдәге җитәкчеләре катнашты.Кунаклар иң элек Сарман аграр көллиятендә булды.
Әлеге көллияттә Татарстан данынын еракка таныткан егет Газинур Гайнетдинов та белем ала. Ул Мордовияның Саранск шәһәрендә узган 10нчы милли чемпионатта “авыл хуҗалыгы машиналарын эксплутацияләү” компетенциясендә икенче урын яулый. Шушы көннәрдә генә ул Республикабыз Президенты Рөстәм Миңнеханов белән очрашуда Казан Кремлендә булып кайта.
Кунаклар көллияттә “Татар халык ашлары” гамәли дәресе белән танышты
***
Кунаклар килеп күргән Әлмәт авылының Морад Рәмзи исемендәге мәктәп үрнәге турында күп сөйләргә була. Әле 5 ел элек кенә мәктәптә нибары 29 укучы укыган, кайбер сыйныфлар гомумән булмаган, мәктәпнең үзенә дә ябылу куркынычы яный.
Әмма авылның олы җанлы шәхесләре – Җәүдәт Салихов, Сәгыйт хәзрәт Хаковның“Авыл мәктәбе шартларында туган телне һәм динне саклап калу” проектын башлап җибәрүе мәктәпкә янә җан өрә.
Якын-тирә авылларда яшәүче ата-аналар балаларын милли-дини юнәлештә белем һәм тәрбия бирүче әлеге мәктәпкә кертергә теләк белдерә. Андыйлар саны елдан-ел арта бара. Бүген биредә 100 дән артык укучы белем ала, аңа “урта мәктәп” статусы кире кайтарылган, авылның тарихи шәхесе – дин галиме Морад Рәмзи исеме бирелгән.
Тагын да куанычлысы 2023 нче елда заманча җиһазландырылган яңа мәктәп бинасы төзү планлаштырыла.
***
Зональ семинарда катнашучыларрайон мәдәният йортында иҗат коллективлары, балалар интернет-телевидениесе эшчәнлеге белән танышты. Шулай ук Илһам Шакиров исемендәге Сарман балалар сәнгать мәктәбе укучылары чыгышын карады.Районкүләм чаралар эшчәнлеген яктыртучы күргәзмә дә зур кызыксыну уятты.
Пленар өлештә сүз татар телендә укыту, мәгариф һәм мәдәният өлкәсендә милли тәрбия бирү турында барды.
Барлык районнарда да рәсми сайтларның татар телендәге бите камил түгеллеген билгеләп үтелде. Татар телендәге элмә такталарда, күрсәткечләрдә хаталарны ачыклауга игътибарны арттыру мөһим. Районнар буенча татар гаиләсенә 1 район газетасы туры килүе күңелне борчый. Баулы, Менделеевск, Ютазы районнары бу мәсьәләгә битараф. Һәр район үзәгендә эшләп килүче мәгариф оешмалары арасында эчтәлеге белән үрнәк булган милли балалар бакчасы һәм мәктәп булу әлеге мәсьәләләрне чишүдә төп юнәлеш.
Туган телебезне үстрерү, гореф-гадәтләребезне саклау, һичшиксез, динебез белән бәйле. Дин туган телне, туган тел динне саклый.
2023 ел Татарстанда Милли мәдәниятләр һәм гореф-гадәтләр елы дип игълан ителүе тагын да куанычлы.
Ләлә Зәйнуллина, Ирек Хәмидуллин. Татарстан яңалыклары өчен Сарман районыннан.
