Чаллының Энергетиклар Мәдәният йортында Татарстан Республикасы ветераннары арасында «Балкыш» республика үзешчән башкаручылар фестиваленең алтынчы зона туры узды.
Чаллыдан безнең махсус репортаж. Сәхнәдә беренчеләрдән булып «Сүнмәс дәрт» ветераннар ансамбле чыгыш ясады. Ансамбль Мөслим районыннан килгән. Җырчылар һәм биючеләр үзләренең иң яхшы номерларын тәкъдим иттеләр.
“Мирас” халык хоры фестивальдә Актаныш районын инде җиденче тапкыр тәкъдим итә. Ансамбльдә 21 кеше Татарстанның атказанган мәдәният хезмәткәрләре.
Солистлар, инструменталь һәм вокаль ансамбльләр, хор коллективлары һәм укучылар Чаллыга Татарстанның тугыз районыннан килделәр. Алар 80 нән артык төрле номер тәкъдим итте.
Искәндәр Гыймалтдинов, Чаллы телевидениесе белән берлектә Татарстан яңалыклары өчен.
