Туган телләр һәм халыклар дуслыгы елын Фатиха Аитова исемендәге 12нче кызлар гимназиясе “Йола-фест” фестивале белән тәмамлады. Милли кием матурлыгын, йолаларны искәртүдән тыш, рухи тәрбия бирү чарасы турында тулырак киләсе язмада.
Гимназиядә уку белән берәттән Фатиха Аитова исемендәге 12 нче кызлар гимназиясенә укучы кызлар халкыбызның милли бәйрәмнәрен, гореф-гадәтләрен сеңдереп үсә.
Икенче а сыйныфы җырлы-биюле аулак өй күренешен күрсәтте.
Борынгыдан килгән йолалар һәрвакыт төрле ырымнар,серле тылсымлы такмаклар , җырлар белән үрелеп бара . Кызлар уеннарны да барлаган, кунаклар өчен табын да әзерләү йоласын да күрсәтте.
Милләт өчен горурлык хисе юктан гына барлыкка килми. Аны кечкенәндән әнә шушындый гореф-гадәтләрне өйрәтүдән башларга кирәк. Бу җәһәттән таякның авыр башы укытучыларга төшә. Дәрес, дәфтәр тикшерү, электрон журнал тутыру һәм башка бихисап ашыгыч эшләрдән тыш укучыларга милли тәрбия бирүдә дә алгы сызыкта.
Мөршидә Җиһан, Таһир Хәсәнов. Татарстан яңалыклары.
