Ачык, якты буяулар дөньясында. Татарстан дәүләт телерадиокомпаниясе,мәгариф һәм фән министрлыгы, «Бердәм Россия» партиясе, ЮХИДИ идарәсе, шулай ук «Юл хәрәкәте иминлеге» дәүләт бюджет учреждениесе «Балалар рәсем ясый»дигән уртак проектны дәвам итә. Быел конкурста катнашучыларга берничә тема тәкъдим ителде.
«Мин үз ватаным патриоты», «Куркынычсыз юллар», Татарстанда цифрлаштыру” һәм “Россия халыкларының мәдәни мирасы елы”. Һәр 4 тема Баулының яшь рәссамнары сүрәтләрендә чагылыш тапкан. Рәсемнәрдә -Бөек Ватан сугышы ветераннары, юлларда үзеңне тоту кагыйдәләре, төрле халыкларның милли бәйрәмнәре.
Һәр дәрестә төсләр, инструментлар сайларга гына өйрәтмиләр. Чын рәссамнар кебек фикер йөртергә, үз эшеңне образлы итеп тәкъдим итү дә мөһим.
Укытучы һәр балага киңәшләр бирә. Яшь рәссамга нинди төсләр сайларга, теманы ничек итеп ачарга? Барысы да кызыклы.
Каникуллардан соң, Баулы балалар сәнгать мәктәбе укучылары сафына районның башка мәктәпләреннән яшь рәссамнар кушылды. Алар барысы да- «Балалар рәсем ясый» 16 нчы республика конкурсы финалына чыгарга дәгъва кыла. Оештыручылар конкурска нәтиҗәләр ясап, җиңүчеләрне 11 июньдә Россия көне алдыннан бүләкләргә исәп тота.
Дмитрий Второв, Владимир Юрков, Илдар Сафиуллин, Татарстан яңалыклары, Баулы.
