Алексеевск бистәсенең икенче мәктәбендә “Балалар илне ясый” бәйгесе уздырылды, биредә берничә сыйныф үзара ярышты. Мәктәп укучылары рәсем ясауның һәрбер адымын белә.
Үзенчәлеккә хас булган рәссемнәр дә шактый, Әмир ясаган рәсем аеруча игтибрага лаек.
Рәсемнәрдә гаилә, заманча фәнни технологияләр үсеше, юллардагы иминлек темасы сүрәтләнгән, шулай ук шактый укучылар “ Мин –патриот” темасын сайлаган.
Эш барышында укытучылар рәсем ясау буенча катнашучыларга кайбер әйберләрне тәфсилләп аңлата.
Монда тиешле дәрәҗәдәге патриотик тәрбия инде күптәннән алып барыла. Мәктәп Советлар Союзы Герое, Сталинград сугышы катнашучысы Иван Кочнев исемен йөртә. Шуңа күрә сугыш тематикасы һәм Ватанны саклаучылар белән балалар яхшы таныш.
Алексеевск укучылары башка районнардан үзләренең яшьтәшләренә җитди көндәшлек күрсәтергә уйлый. Май азагында биредә беренче этапка йомгак ясала һәм балаларны яклау көненә җиңүчеләрне бүләкләү көтелә. Ә республика конкурсы лауреатлары һәм дипломантлары июньдә Россия көне алдыннан билгеле булачак.
