Бу көннәрдә Безнең телерадиокомпания «Дети рисуют страну» 17 нче республика телевизион конкурсына старт бирде. Быел укучылар үзләренең булачак эшләре өчен дүрт теманы сайлый ала, болар: Россиядә педагог һәм остаз елы, Татарстанда Милли мәдәниятләр һәм гореф-гадәтләр елы, имин юллар, шулай ук «Мин — патриот» темалары. Иҗади ярышка беренчеләрдән булып Әлмәт укучылары кушылды.
23 нче номерлы Әлмәт мәктәбенең башлангыч сыйныф укучылары, безнең акциядә инде беренче ел гына катнашмыйлар. Шуңа күрә теманы сайлау алар өчен авырлык тудырмады, әлбәттә, иң якыны ватанны саклау темасы.Сыйныфташлар әйтүенчә, һәрбер дәүләткә тынычлыкны , татулыкны, үз гореф-гадәтләрен һәм милли мәдәниятләрен саклап калу бик мөһим.
Күпләр әлеге бәйгенең традицион «Куркынычсыз юллар» темасын сайлады. Зур шәһәр яки трассамы юлларда иң мөһиме -барлык кагыйдәләрне саклау.Барыннан да бигрәк укучыларга аларның укытучылары соклана. Яшь рәссамнарнең беренче күнекмәләре инде киштәләрдә дә күренә.
Иҗади ярыш башланды гына әле. Зур шәһәрдә яки ерак авылда булсынмы, һәр мәктәп май ахырына кадәр бәйгедә катнаша ала. Ә җиңүчеләрне бүләкләү белән финал өлешен оештыручылар — ягни безнең «Татарстан» ДТРК, мәгариф һәм фән министрлыгы, «Бердәм Россия» Татарстан бүлекчәсе, ЮХИДИ һәм «Юл хәрәкәте иминлеге» июнь аена — Россия көне алдыннан планлаштырыла.
Чулпан Әмири, Дмитрий Второв, Татарстан Яңалыклары. Әлмәт районы.
