Чаллыда балалар өчен хәйрия ярминкәсе узды. Барлык җыелган акча сәүдәгәр Стахеев йортын ремонтлауга тотыла, анда физик мөмкинлекләре чикләнгән балаларга тернәкләндерү үзәген ачу күздә тотыла. Игелекле эшнең нәтиҗәләре нинди? Хәбәрчебез ачыклады.
Уку йортының фойесы чын ярминкә мәйданына әверелде. «Могҗиза балалар» коммерцияле булмаган оешмасында катнашучылар үз картиналарын, кул эшләрен, чүлмәкләр, сувенирлар тәкъдим итте. Берәү дә буш кул белән килмәгән иде.
Барлык акча сәүдәгәр Стахеев исемендәге бинаны реконструкцияләүгә тотыла. Ул физик мөмкинлекләре чикләнгән һәм менталь тайпылышлы кешеләргә профильле остаханәләре белән тернәкләндерү үзәге була. Ярминкәдә сатып алынган әйберләр-бинаны төзекләндерүгә өлеш.
«Могҗиза-балалар» дәвалау педагогикасы үзәгенә 18 яшькә кадәр балалар йөри. Киләчәктә аларга йөрергә урын юк, — дип аңлатты Асия Кислова. Шуңа күрә өлкәннәр өчен шундый ук үзәк булдыру турында карар кабул ителде. Бинада ремонт эшләре башланды инде.
Алия Галиуллина, Лилия Гатина, Айдар Мусин, Татарстан яңалыклары, Чаллы.
