Балачакның иң күңелле, иң рәхәт мизгелләре, әлбәттә, җәй айлары белән бәйле. Ләкин, ялны да күңелле, мавыктыргыч һәм сәламәтлек өчен файдалы итеп үткәрү кирәк. Моңын өчен, мәктәп яны лагерлары менә дигән мөмкинлек. Әйтик Чистай раойнынның 2 нче мәктәп яны лагеренда, балалар өчен уңайлы шартлар тудырылган, төрле чаралар да оештырыла. Шулай арасында балалар сабантуена әзерлек бәйрәме. Чистай районыннан-Фәннур Хәсәнов репортажында.
Балаларның җәйге каникул ялларын күңелле, мавыктыргыч һәм сәламәтлек өчен файдалы итеп үткәрү өчен мәктәп яны лагерьлары иң беренчеләрдән булып ярдәмгә килә дә инде. Нәрсә эшләргә, көнне ничек уздырырга кебек сорауларга урын да калмый. Барысы да уйланылган.
Мәктәп яны лагеренә йөрүче балаларның һәр иртәсе зарядка ясау белән башлана. Аннан соң аларны ашханәдә иртәнге кайнар аш көтә. Ашаганнан соң, һава торышына карап, балалар төрле уеннар, мавыктыргыч чараларда катнашалар.
Бүгенге көн планлаштырылган көн тәртибендә, иртәгә булачак сабантуй бәйрәменә әзерлек чарасы, аның да бүләк җыю күренешен кабатлап ныгыту. Әлеге чараны Чистай районы “Ак калфак” иҗтимагый оешмасы вәкилләре дә игьтибар белән күзәтте. Чөнки, әлеге оешма районның балалар бакчалары һәм мәктәп-гимназияләре белән һәрдаим тыгыз элемтәдә, бер-берсенә ярдәм кулы сузып яшиләр.
Ял итү, туклану, җыр-биюләр, күңел ачу, уен-көлке – барысы да бар монда, кызыклы экскурсияләр, ачык һавада мавыктыргыч, интеллектуаль уеннар, төрле мастер-класслар, театр-киноларга йөрүләр оештырыла.
Фәннур Хәсәнов, Альберт Сәфиуллин Татарстан яңалыклары.
