18нче гимназиядә «Балачак җыры» телевизион музыкаль проекты җиңүчеләре концерт куйды. Тулырак мәгълүмат хәбәрчебез язмасында.
«Шаян ТВ» балалар телеканалында оештырылган «Балачак җыры» телевизион музыкаль проекты җиңүчеләре «Идел буе районының татар телендә белеем бирә торган 18нче гимназиясе» укучыларына концерт куйды.
Концерт «Шаян ТВ», Татарстан Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе теләктәшлеге белән Дәүләт Советының «Мәрхәмәт» хатын-кыз депутатлар берләшмәсе ярдәмендә оештырылды.
«Балачак җыры» җиңүчеләре алга таба да зур планнар белән яши. Алар шәһәр районнарының лицей гимназияләрендә концерт ясар дип көтелә.
Искәндәр Гыймалтдинов, Ирек Хәмидуллин.
