Бакчачылар көнен бәйрәм итәргә әле ерак, шуңа да Лаеш районы бакчачылары фикергә килеп үзебезнең милли бәйрәм — сабан туен үткәргән. “Нур” бакчачылар ширкәте сабан туенда хезмәттәшем Мөршидә Җиһан да булып кайтты.
Бакчачылык ширкәтендә үткән сабан туен күргән юк иде әле. Исеме җисеменә туры килерме икән дигән шик гөрләп торган мәйданга килеп керүгә таралды. Бу чыннан да халык өчен халык тарафыннан оештырылган бәйрәм.
Көтеп алгач кадерле була. Балалар да шат. Алардан бигрәк Гомәр абый үзе дә шат, бөтен күңелен биреп балаларны ат арбасында гиздерә. Яшерен батырын түгел җиккән атлар Сабан туе бизәгенә әверелеп бара.
Кәефсез кеше булмады дисәм дә ялгышмам. Безнең бәйрәмгә тылмач кирәкми ди Альбина ханымның хәләл җефете Сергей Симонов.
Сабан туеның рәсми өлеше артык озакка сузылмады, күбрәк бакчачылык ширкәтенең алдынгы хезмәтчәннәре, үз бакчаларын үрнәк итеп тоткан гаиләләр бүләкләнде.
Мәйданда ярыш башланырга өлгерми, су буе чират хасил була.
Алып баручылар остарып беткән. Шул арада уен уздыра , уен арасында җыр –моң сөючеләргә музыкаль сәлам дә юллый.
Милли традициягә әверелгән әлеге бәйрәм балаларга җитезлектә көч сынашу өчен бер дигән форсат. Бер уен да читтә калмады, балалар хәтта үзләрен мәргән осталыгында сынап карады.
Шушы рәвешле патриотик тәрбия алучы балаларны да, остазларын да , гомумән сабан туе кунакларын кыр кухнясы пешекчеләре солдат ашы белән сыйлады.
Быел өченче тапкыр үткәрелгән бакчачылык сабан туен оештыручыларның максаты уен, җыр-моң аша халыкны берләштерү, таныштыру, ял иттерү.
Бакчачылар ширкәтенең җитәкчесе дә бәйрәм кунагы түгел , ә үзәгендә кайнады. Кайбер бакчачылык ширкәтендә яшәүчеләр юл, ут су юклыктан гаҗиз булса Нурныкылар бәйрәм итә.Бу фикер белән Кайбыч районыннан кунакка килгән шигъри җанлы Асия әби дә килешә. Бакчачылык ширкәте сабан туена күбесе гаиләсе белән шул исәптән Гөлназ Нурмиева да гаиләсе белән килгән.
Гөлназ белән арлашкан арада халык дәррәү килеп көрәшчеләргә көч биреп торды. Баксаң улы Аяз батыр калу өчен көрәшә башлаган.
Менә монысы иде батыр җиңүе.
Мөршидә Җиһан Ирек Хәмидуллин Татрстан яңалыклары өчен Лаеш районыннан .
