Байлар Сабасында бүген шәhәрдәгедәй итеп салына торган ике бина саны сафка бастырып яталар.
Безне йортлы, хезмәт урынлы, яхшы шартларда яшәргә ярдәм иткән бу төзүчеләр турында бары мактап кына телгә алып була. Алар ел әйләнәсе хезмәттә. Бу эш бервакытта да бетми һәм туктала алмый. Саба районында да бу көннәрдә ике урында зур төзелеш эшләре гөрли. Тулырак алдагы язмада.
Байлар Сабасында кайчандыр мәктәп бакчасы булган бу мәйданнарда бүгенге көндә гөрләп зур төзелеш бара. бу бина – Балалалар иҗат үзәге булачак. Анын проект эшләре 2023нче елда башлана. Бер ел дәвамында ул карала, яңа өстәмәләр белән тулылана. Экспертизалар үтеп ризалык бирелгәч, акчалар бүленеп җәй башында, июнь аенда төзелеш башлана.
СНХ Эльмир Рамазанов – Саба муниципаль районы инфраструктур үсеш бүлеге начальнигы
Төзелешне Казаннан “Таш” компаниесе алып бара. Осталарга эшләрен тоткарлыкларсыз алып бару өчен бөтен мөмкинлекләр булдырылган. Материаллар вакытында кайтып тора.
24 ел төзелеш өлкәсендә хезмәт куйган Марат өчен бу бина үзенең тышкы бизәлеше белән үзенчәлекле.
Төзүчеләр командасы төрле милләт кешеләрен берләштерә. Араларында татарлар, урыслар, үзбәкләр дә бар. Саба халкының сәламәтлеге сагында хезмәт итәсе бинада да да бүгенге көндә төзелеш зур тизлекләр белән алга бара. Йөрәк кан тамырлары үзәге проекты өстендә эш озак еллар дәвам итте, ди Эльмир Рамазанов. Аның документ, сызымнарына 2013нче елда ук алыналар. Башта ул бер катлы булып килештерелә. Алга таба 2020нче елда тулыланып, күләмнәр арттырылып ике катлы итеп тәгаенләнә. Бары тик 4 елдан соң гына төзелешкә рөхсәт бирелеп, федераль бюджеттан финанс чыгымнар бүленә.
Шифаханә төзелешен җаваплылыгы чикләнгән “АртСтрой” Кыпым компаниясе алып бара. Коллектив сафында сабалылар да күпчелекне тәшкил итә. Вакытлы хезмәткә ялланучылар өчен бу җәйге сезонда менә дигән акча эшләү мөмкинлеге була.
Тулаем төзелеш эшләре белән прораб Ришат Борһанов контрольлек итә. Аның кул астында биредә 85-90 кеше хезмәт куя.
Ришатның төзелеш карьерасында бу әле өченче объект. Шуңа әле мин бу өлкәдә камилләшәм, өйрәнәм генә, ди. Бу һөнәрне бик яратуын әйтә.
Ел азагына кадәр бу бина да бар эшләр тәмамланып файдалануга тапшырылуына шикләр юк. Иң мөһиме финанс ярдәмнәр җитә. Дәүләт төзелешкә 852 млн бүлеп биргән. Бу акчаларга шифаханә тирәли юллар, парковка, парк та ясалачак, яшелләндерү эшләре дә башкарылачак.
Райлә Галәвина Ирек Солтанов, Татарстан яңалыклары, Саба раойны.
