Казанда Бәллүр каләм ияләре ачыкланды. Журналистлар арасында уздырылучы дәрәҗәле бәйгедә яңа исемнәр! Татарстан Рәисеннән өр-яңа җиңел машина ачкычы кем кулына эләкте? Бәйрәмнең матур мизгелләрен Айзилә Батырханова күреп кайтты.
Көндәлек вакыйгалар агымында алар көн дә мәгълүмат кырында армый-талмый көнне-төнне белми хезмәт куя. Кулларына микрофон, диктофон, фото яисә видеокамера тотып беренчеләрдән булып яңалык җиткерергә ашыгалар! Алар журналистлар исемен горур йөртәләр! Бүгенге чарада исә фото һәм видеокамералар аларга төбәлгән! тантана — аларның хезмәтенә бәя бирү!
Республикабызда менә инде 26нчы тапкыр уздырылучы “Бәллүр каләм” бәйгесенә 2227 эш килеп ирешкән. Быел Һөнәрендә иң яхшысы булырга теләүчеләр саны 493кә җиткән! Төп номинацияләрдән кала оештыручылар 3 махсус номинация булдырган! «Россия халыкларының мәдәни мирас елын иң яхшы яктырту»чылар исеменә Татарстан дәүләт телеканалының милли тапшырулар хезмәте лаек булды!
Бүгенге вәзгыятьтә журналистларга таләпләр тагын да югары куела. Ничек итеп дөреслекне ялганнан аерырга һәм тыңлаучыларга хак мәгълүмат җиткерергә? Һәр чыгышта моңа басып ясап әйтелде. Сәясәт, иҗтимагый тормыш, мәдәният, мәгариф темалары белән беррәттән тел мәсьәләсе дә каләм чарлаучыларның игътибар үзәгендә. Марий Эл республикасының “Якташлар” газетасы эшне югары дәрәҗәдә алып бара.
Ел дәвамында газета-журнал битләрендә, радио-телевидениеда исеме һәм әйткән фикерләре еш яңгыраган шәхесләрне «Ел медиа-шәхесе» номинациясендә бүләкләделәр. Быел әлеге исемгә Татарстан Экология һәм табигый байлыклар министры Александр Шадриков лаек булды!
“Журналистлар династиясе” проекты кысаларында журналист профессиясенә тугрылык өчен диплом белән бүләкләнүчеләр арасында безнең телевидение хезмәткәрләре дә бар!
Әниләр өчен балаларының үз юлларыннан китүләре олы куаныч!
Бәйгенең иң тантаналы мизгеле “Бәллүр каләм” бәйгесенең Гран-при бүләгенә ия булучының исемен атау!
“56 еллык хезмәт юлы үтелгән. Укыганда да, флотта хезмәт иткәндә дә, журналистика хэрвакыт минем белән булды.
Бәйгенең номинацияләргә бирелгән гомуми бюджеты – 700 мең сум иде. Номинация җиңүчеләренә 50 мең сум акчалата бүләк тапшырылды.Гран при иясе Лада гранта машинасы белән бүләкләнде.
Айзилә Батырханова Альберт Сафиуллин, Татарстан яңалыклары
