10 нчы апрелдә — Ураза гаете. Әлеге мөбарәк бәйрәм Татарстан Республикасының шәһәр мәчетләрендә иртәнге җиденче яртыдан Коръән аятьләрен укып башланачак һәм 7:00 сәгатьтә гает вәгазьләре белән дәвам итәчәк. Гает намазы 7сәгать 30 минутта укылачак.
Авыл җирлекләрендә Гает намазын, кояш чыгып ярты сәгать узгач, укырга тәкъдим ителә. Ураза бәйрәме көнендә, мәчетләр яныннан уза торган җәмәгать транспорты маршрутлары иртәнге сәгать 5 тә эшли башлый. Татарстан Республикасы Рәисе Рөстәм Миңнеханов карары нигезендә, республикада бу көн — эшләми торган бәйрәм көне.
Бу көнне шулай ук көндезге 13.00 сәгатьтә Иске Татар бистәсендә, Кремль яр буенда һәмТатарстанның Милли китапханәсендә Ураза бәйрәменә багышланган чаралар башлана. Шәһәрнең барлык оператив хезмәтләре тарафыннан җәмәгать тәртибен һәм халыкның иминлеген тәэмин итү өчен кирәкле шартлар тудырыла.
