Шул уңайдан Казанның «Салават күпере» микрорайонында тәртип саклау буенча җәмәгать пункты ачылды. Аны Республика Президенты Рөстәм Миңнеханов, Республика буенча эчке эшләр министры Артем Хохорин һәм Казан мэры Илсур Метшин карады. Яңа учреждениенең төп бурычлары җәмәгать тәртибен саклау, юл хәрәкәте куркынычсызлыгын тәэмин итү, шулай ук балигъ булмаганнарның хокук бозуларын кисәтү.
Яңа ачылган җәмәгать пунктында, полициянең алты участок вәкиле, балигъ булмаганнар эшләре буенча ике инспектор һәм 2 муниципаль хезмәткәр эшли. Республика Президенты каравыл пункты бүлмәләрен карады: килүчеләрне кабул итү һәм консультацияләү зонасы, хезмәткәрләрнең эш кабинетлары. Барлык бүлмәләр дә кирәкле җиһазлар белән тәэмин ителгән.
«Залесный» торак массивы һәм «Салават Купере» торак комплексы территориясендә 90 күпфатирлы йорт һәм 27 меңнән артык кеше яши торган 2 меңгә якын шәхси йорт урнашкан.
Якын арада «Салават Купере» торак комплексының 2нче чираты сафка баскач, халык саны тагын 5меңгә артачак. Рөстәм Миңнеханов тиз үсә торган микрорайонда яшәүчеләрнең иминлеген тәэмин итүнең мөһимлеген билгеләп үтте. Ул тәртип саклау буенча өстәмә икенче пункт ачу өчен тагын бер бина сайларга кушты.
***
Бүген Рөстәм Миңнеханов Эчке эшләр министрлыгы хезмәткәрләренә машина ачкычлары тапшырды. Татарстан Президенты Рөстәм Миңнеханов эчке эшләр органнары хезмәткәрләрен һөнәри бәйрәмнәре белән котлады. ТР буенча ЮХИДИ идарәсе бинасы янында аларга машина ачкычлары тапшырылды. Президент үзенең телеграм-каналында шундый яңалык белән уртаклашкан.
«Эчке эшләр органнары хезмәткәрләрен һөнәри бәйрәмнәре белән котладым! Иртән аларга автомобиль ачкычлары тапшырдык. Катлаулы һәм кирәкле хезмәтегез өчен рәхмәт! Үзегезгә һәм гаиләләрегезгә сәламәтлек телим!» — диелә хәбәрдә.
Искәртеп узабыз, РФ Президенты Владимир Путин Россия Эчке эшләр министрлыгы хезмәткәрләрен тәбрик итте инде. Ул махсус хәрби операция барышында аларның керткән өлешен билгеләп үтте һәм Донбасста хокук тәртибен тәэмин иткәннәре, провокация һәм диверсияләрне булдырмый калганнары өчен рәхмәт белдерде.
