Бүген халкыбызның сөекле композиторы, актриса, җырчы, Тукай бүләге лауреаты Сара Гариф кызы Садыйкованың тууына 115 ел. Милли сәнгатебезнең йөзек кашы булган иҗат әһеле бай музыкаль мирас калдырды.
Аның иҗади сәләте бик яшьтән ачыла. Талантлы кыз Мәскәү консерваториясендә укый, бер үк вакытта татар дәүләт музыкаль-драма театрында беренче милли операларда катнаша. Казанга кайткач, Камал театрында Сәйдәшев драмаларында төп рольләрне башкара.Мәскәү консерваториясенең опера студиясендә белемен камилләтерә. Казанда ачылган опера һәм балет тетарының солисты була. Халыкчан җырлар, романслар иҗат итә. Хәзер Татарстан радиосы фондында композиторның йөзләгән җыры саклана.
Бүген радиода Сара Садыйкова иҗаты атнаалагы игълан ителде. Якшәмбегә кадәр эфирда аның үзе, сәнгать осталары һәм үзешчәннәр башкаруында җырлары, романслары, опералардан өзекләр яңгырап торачак, Автор иҗатына багышланган тапшырулар да әзерләнә.
