Бүген башкалабызда Буа Дәүләт драма театры гастрольләре башлана. Бу уңайдан татар информ мәглүмат агентлыгында конференция булып узды. Кәрим Тинчурин театрында иң беренче булып Мирсәй Әмирнең “Тормыш җыры” пьесасы буенча куелган “Фатыйма” спектакле күрсәтелә. Башкала тамашачыларына шулай ук Зифа Кадыйрова повесте буенча сәхнәләштерелгән “Бәхеткә юл кайдан?”, Иван Вырыпаевның “Иран конференциясе”, Иван Тургеневнең “Муму” хикәясе буенча куелган “Барыня” спектакльләре дә тәкъдим ителәчәк. Театр эстрадасы җырчылары катнашында “Самовар тирәсендә” дигән концерт та була. Гастрольләр 20 октябрьгә кадәр дәвам итә.
Раил Садриев Буа Дәүләт драма театры директоры – сәнгать җитәкчесе, Татарстанның халык артисты
