Бүген 1 июнь халыкара балаларны яклау көне. Шул уңайдан «Салават күпере» һәм «Сабантуй» журналлары Габдулла Тукай әдәби музеенда онлайн экскурсия оештыра. Чара көндезге сәгать бердә башлана. Әлеге экскурсияне „Салават күпере“ һәм „Сабантуй“ журналларының инстаграмдагы битләреннән туры эфир аша карап булачак. Әлеге чара „Йолдызлы экскурсия“ проекты кысаларында үтә. Онлайн экскурсия күренекле татар шагыйре Габдулла Тукай тормышына багышлана.
Шулай ук бүген Халыкара балаларны яклау көнендә Кариев театры 32нче театр сезонын йомгаклый. Шул уңайдан театрның социаль челтәр аккаунтларында онлайн чаралар узачак. Шулай ук «Казан Кремле» музей-тыюлыгының «Манеж» залында Халыкара балаларны яклау көненә багышланган махсус программа булачак. Музейда балалар өчен «Ни өчен тарих һәм мәдәният һәйкәлләрен саклау мөһим» видеосюжеты күрсәтеләчәк, башлана — көндезге сәгать бердә. Музейга килер алдыннан +7 (843)567-80-67 телефоны буенча алдан язылырга кирәк, барлык килүчеләр дә битлек һәм перчаткалар кияргә тиеш.
