Бүген 26 нче июль алмашынучан болытлы һава. Синоптиклар урыны белән яңгыр, яшен булыр дип фаразлый. Җил көньяк-көнбатыштан, уртача, тизлектә. Көндез һава температурасы якынча 25 — 30 градус җылы.Магнит кыры тыныч.
Шушы көннәрдә һава температурасы 30-35 градуска җитә дип хәбәр итә синоптиклар. Һава торышының торыксыз булуы сәламәтлеккә зыян китерергә мөмкин. Бигрәк тә кан басымы, йөрәк авыруы булган кешеләргә.
***
Розалия Рамазанова инфаркт диагнозы белән берничә көн элек Республика клиник хастаханәсенә әлэккэн. Табиблар фаразы буенча, кисәк һава торышы үзгәрүе тәэсир иткән.
Хәзер ул, 11 пациент белән беррәттән операциядән соң үзен яхшы хис итә. Һава торышы көндә үзгәреп тора, кояш чыгып өлгерми, көтмәгәндә яңгыр явып китәргә мөмкин, мондый үзгәрешләр кешенең сәламәтлегенә тискәре йогынтый ясый.
Һава торышы үзгәрешләренә кеше берничек тә тәэсир итә алмый, бары тик кан басымын үлчәп торырга, нерв системасының торышын контродлҗда тотырга киңәш итә табиблар. Һава торышы, сүз уңаеннан, климат нормасыннан узмаган дип санала.
Бу айда без һава басымның иң көчле 6 ноктасын кичердек. 30 градуслык эссе атнаның пәнҗешәмбе һәм җомга көннәрендә көтелә, шулай ук яңгыр яуыда ихтимал, аңа карамастан температура якынча 26, 28 градус эссе була. Кисәк суытулар көтелми.
Динә Нәҗметдиноа, Диана Дасаева, Дамир Мухаметханов, Татарстан яңалыклары.
