Һава торышының кисәк үзгәүе Идел буе федераль округының 8 төбәгенә – Татарстан, Марий Эл, Чувашия, Түбәнге Новгород, Пенза, Ульян, Киров һәм Самара өлкәләренә шактый зыян салды. Теманы хәбәрчеләребез дәвам итә.
Көчле җил аркасында 520 торак пунктта энергия линияләре җимерелгән, 550 агач ауган, 41 йорт һәм 7 социаль объектның түбәләренә зыян килгән. Иң аянычы – 9 кеше үлгән, 76сы тән җәрәхәтләре алган.
Давылны үз күзләре белән күрүчеләр, әле дә тынычлана алмый. Давыл аркасында яшен сугып йортсыз калучылар, йортларына һәм машиналарына зыян килүчеләр дә бар.Казанда давыл нәтиҗәләрен бетерү буенча оператив штаб булдырылды.
Министрлар Кабинетында Гадәттән тыш хәлләрне кисәтү һәм бетерү комиссиясенең планнан тыш утырышы узды. Комисситя шгъзалары Татарстан Республикасының беренче вице-премьеры Рөстәм Нигъмәтуллин җитәкчелегендә давыл китергән зыян белән бәйле мәсьәләләрен тикшерде.
Аеруча зыян күргән объектлар арасында 26 балалар лагеры да бар. Алар шушы көннәрдә тәртипкә китерелеп бетә. Шулай ук 19 меңнән артык кеше, 11 мәктәп, 4 хастаханә утсыз калган иде, анысы хәл ителеп беткән. Ут чыбыклары тоташтырылган. Утырышта Гидрометеорология һәм әйләнә-тирә мохит мониторингы идарәсе» начальнигы Сергей Захаров Татарстандагы метеорологик хәл турында чыгыш ясап давыл турында алдан кисәтелүен искәртте. Уңайсыз метеошартлар , чәршәмбе көненә кадәр фаразлана.
Мөршидә Җиһан, Диана Дасаева Татарстан яңалыклары.
