Башланып киткән атна уңышлы һәм нәтиҗәле булсын дисәк, алдан ук һава торышын белеп тору хәерлерәк. Хезмәттәшем Гөлназ Ибраһимова сезнең өчен актуаль мәгълүмат әзерләде. Хәзер сүзне аңа бирәм.
Октябрь аеның ахыргы атнасына килеп кердек. Һава торышының холкы алышына, димәк, машина тәгәрмәчләрен дә алыштырыр вакыт җитеп килә, дигән сүз.
Узган ялларда Республикабызда кисәк суытып җибәрде. Төннәрен һава температурасы 0 дән түбән төште. Аерым урыннарында карлы яңгырлар күзәтелде. Беренче кар күренгәннән соң кырык көн үткәч, чын кыш башлана, дигәннәр борынгылар.
Гомумән, әби-ба¬ба¬ла¬ры¬бызның октябрь аена кагылышлы сы¬на-мыш¬ла¬ры кызыклы. Аларның берсендә, мәсәлән, октябрь аенда кайсы көндә суытса, киләсе елның апрелендә шушы ук көннәрдә җылыта башлаячак икән. Һәм тагын, 24 октябрьдә, ягъни менә бүген, иртән кар очса, кыш суык килер, диелә.
Әйдәгез, шушы сынамышларның дөреслеген тикшереп карыйк. Туры килер микән?
Бүген нинди һава торышы көтелә? Интернет чыганакларында хәбәр ителгәнчә, бүген көн дәвамында яңгыр ява, шулай да әле җылы саклана. Температура көндез плюс 6, төнлә бераз гына төшеп, 4-5 градус җылы булыр дип көтелә.
Атна дәвамында көннәр акрынлап суыта барыр, дип фаразланыла, алмашынучан болытлы һава өстенлек итеп, яңгырлар явар дип көтелә.
Җылырак киенергә вакыт җитте, кадерле дуслар. Юлга чыкканда кулчатырларыгызны да алырга онытмагыз. Көннәр болытлы торса да, күңел күгебез һәрвакыт аяз булсын, өмет кояшы сүнмәсен, сүрелмәсен.
