Узып баручы елның көннәре санаулы. 2022 нче ел илебездә халык сәнгате һәм мәдәни мирасны саклау елы буларак истә калыр. Эшләгән эшләргә, ирешкән уңышларга нәтиҗә ясар вакыт. Актанышның сәнгать мәктәбе укучылары һәм аларның остазлары узган елга йомгак ясаган чарадан алдагы язма.
Әле бик яшь булсалар да баянда өздереп уйныйлар. Әлеге музыка уен коралында уйнау серенә алар актанышның сәнгать мәктәбендә төшенә. 10нан артык егет тупланган ансабль тамашачы алдында татар халык көйләре белән чыгыш ясый.
Ел саен сәнгать мәктәбе үз репертуарын баету өстендә эшли. Быел россиядә халык сәнгате һәм мәдәни мирасны саклау елы буларак, халык җыр-биюләренә, көйләренә басым ясыйлар.
Концерт оркестр ярдәмендә тере тавышка, тере музыка белән алып барылды. Күңелләрне тибрәндереп яңгырасын халкым моңы дигән исеме дә җисеменә туры килә. Эчтәлекле концерт программасы тамашачыларга онытылмас хисләр бүләк итте.
Ләлә Зәйнуллина, Альбина Солтанова, Татарстан яңалыклары, Актаныш районы.
