Без Русфонд белән бергә авыру балаларга ярдәм итү проектын дәвам итәбез. Узган атнада сез Дима Калабушкинга булышкан идегез. Моның өчен барыгызга да зур рәхмәт. Бүген Арина Абдуллованың авыру тарихы. Ул умыртка баганасының кәкрәюеннән интегә, махсус корсет кирәк. 5542 номерына ДЕТИ сүзе белән смс җибәреп ярдәм итәргә була. Бер хәбәрнең бәясе 75 сум.
Авыру булуга карамастан, Арина актив һәм шат күңелле. Һәр иртә күнегүләр ясый. Аннан соң коррекция мәктәбендә укый, өй эшләрен эшли, яшьтәшләре белән уйный. Беренче карашка, барысы да гадәти балалар кебек. Тик кыз умыртка баганасы кәкрәюдән интегә, ул күп нәрсәгә комачаулый.
Аринаның әнисе Фәридә Абдуллова: « ул туып 3 көн узгач, безне хастаханәгә күчерделәр. җитлекмичә туган иде. проблемалар күп булды, табиблар баланы аякка бастыру өчен бөтен көчне куйды, процедуралар ясадылар, ул исән калды.»
Ике яшендә төгәл диагнозны куйганнар. Бала утыра һәм йөри алмый, дигән куркыныч була. Шулай да өметләрен өзмиләр. Массаж, күнегүләр ясыйлар, берничә ел дәвамында терапея курсын үтәләр. Баланың сәламәтлегендә уңай үзгәрешләр була.
Аринаның әнисе Фәридә Абдуллова: «тугыз яшенә кадәр ул хәтта сикерә дә алмады. Башка йөгерергә өйрәнде, моңа бик шатланды. Хәзер умыртка баганасында проблемалар бар. Корсет ярдәм итәр дип өметләнәбез.
Шено корсеты — гаиләнең бердәнбер өмете. Ул кызга авыртусыз хәрәкәт итәргә ярдәм итәчәк. Корсетның бәясе 150 мең сум. Бу кадәр акчалары юк, кыз әнисе акчасына гына яши. Без Аринага 5542 номерына ДЕТИ сүзе белән смс җибәреп ярдәм итә алабыз. Бер хәбәрнең бәясе 75 сум. Күбрәк өлеш кертергә теләүчеләргә тулырак мәгълүмат безнең телерадиокомпания һәм Русфонд сайтларында.
Ләлә Зәйнуллина. Гүзәл Зәйнакова, Рәфкать Зыятдинов.
