Арча районының Югары Курса авылында «Илдус» мәчете ачылды. Изге йортны төзүгә иганәче Илһам Хисамиев зур булышлык күрсәткән. Яңа мәчет сафка басканчы, биредә яшәүче авыл халкы намазларны Курсавилар вакытында ук салынган иске мәдрәсә бинасында укыган. Яңа мәхәлләдә дин кардәшләребезгә дини йолаларны үтәү өчен барлык уңайлыклар тудырылган, тәһарәтләнү, уку сыйныфлары бүлмәләре бар.
