Татарстанда апрель уртасына кадәр махсус санитар режим гамәлдә булачак, ул коронавирус инфекциясе таралу мөмкинлеген киметергә тиеш.
Республикада барлык массакүләм чаралар кичектерелде, кальян куллану тыелган, төнге клублар ябыла. Ә эш бирүчеләргә тән температуралы күтәрелгән хезмәткәрләрне вакытлыча эштән читләштерү бурычы йөкләнде. Чит илләрдән кайтучылар ике атналык карантинга җибәрелә. Республика хакимияте җитәкчеләре коткы таратучыларга ышанмаска һәм күпләп азык-төлек запасы сатып алмаска киңәш итәләр. Хәзерге шартларда төп таләпләр — гигиена нормаларын үтәргә, кешеләр күпләп йөри торган урыннарга бармаска, бүлмәләрне җилләтергә, иммунитетны ныгытырга, сәламәт яшәү рәвеше алып барырга кирәк.
Казан галимнәре коронавируска каршы вакцина әзерләүгә кереште. Әлеге вакцинаны зарарланган күзәнәккә керткәннән соң, анда яңадан программалаштыру башлана һәм вирус эшчәнлеге туктала. Галимнәр үз эшләренең ахыргы нәтиҗәсен әнә шулай күрә. Экспериментның нәтиҗәсе кайчан булыр? Хәбәрчебез кызыксынды.
Казан галимнәре коронавируска каршы вакцина әзерләүгә кереште. Аны берничә төр вирусны бергә кушып җыялар. Әлеге вакцина йогышлы вирус эшчәнлеген туктатырга тиеш.
Зарарланган күзәнәккә вакцина керткәннән соң, соңгысында яңадан программалаштыру башлана. Күзәнәктә вирус тулысынча эшкәртелми, аның кайбер аксымнары гына эшләп чыгарыла. Ул организмның үзен саклау сәләтен арттыра.
Галимнәр зур һәм бик кирәкле ачыш алдында. Дөрес, алар тере вирус кулланып эшләми. Вакцинаның прототибы, ягъни шуңа тәңгәл вакцина цифрлы күчермә мәгълүматлардан алына.
Зарарланган күзәнәкләрне яңадан программалаштыру өчен нәрсә кирәк? Берничә айдан Казан федераль университетында ген-терапея вакцинасын табып, лабораториядә сынап караячаклар.
Галимнәр вакцинаның хайваннарда иммунитет тудыруына инангач, дәүләт оешмаларына мөрәҗәгать итәчәк. Аннан тере вируслдар белән клиник сынаулар башланырга мөмкин.
Вадим Струминский, Владимир Юрков.
