Апаслылар махсус хәрби операциядә булган егетләребезгә гуманитар ярдәм җыюга даими рәвештә үз өлешләрен кертә. Районның янгын сүндерү бүлеге хезмәткәрләре дә әлеге изге эшкә теләп кушылды.
Гуманитар ярдәм җибәрү эше тулы куәттә бара. Апасның янгын сүндерү бүлеге хезмәткәрләре тормыш-көнкүрештә кулланыла торган беренчел кирәк-яракларны “Алга” яшүсмерләр клубына алып килеп тапшырды.
Гуманитар йөк инде әзер. Барлык әйберләр җыелган, машиналарга төялгән. Көнкүреш кирәк-яраклар, төзелеш материаллары да үз урыннарында.
Шулай, район башлыгы җитәкчелегендәге делегация гуманитар йөк белән ерак юлга кузгалды.
Миләүшә Мусина, Гөлназ Вәлиева, Чулпан Сабирова, Татарстан яңалыклары, Апас районы.