Апас районында тантаналы шартларда Милли мәдәниятләр һәм гореф-гадәтләр елы ачылды. Бу уңайдан үзәк мәдәният йортында бәйрәм чарасы узды. Сәхнәдә районның үзешчән сәнгать осталары, иҗат коллективлары катнашында чыгышлар тәкъдим ителде. Тулырак алдагы язмада.
Район мәдәният йортында гармун моңына кушылып җыр агыла. Фоеда Апас төбәгендә яшәүче төрле милләт халкының бердәмлеге, дуслыгы, татулыгы чагылыш таба. Бай эчтәлектәге күргәзмә оештырылган. Ул татар, рус, чуваш милләте халкының мәдәни үрнәкләрен, милли ашларын, кулдан ясалган сувенирларын, эш коралларын ала.
Токмачлы аш – татарларда иң яратып кулланыла торган ризык. Урта Балтай һәм Морзалар авылыннан токмачлы аш кисеп мастер класс күрсәтә.
Үтәмеш авлында клуб мөдире булып эшләүче алтын куллы Фәрит Сәлахов — агач эшләнмәләр ясау остасы.
Бәйрәм чарасының икенче өлеше тамаша залында дәвам итә.
Әнзия Закирова халыкны рухи яшәтүдә, сәнгатен үстерүдә, мәдәни мирасны саклап калуда зур көч куючы мәдәният хезмәткәрләренең хезмәтен югары бәяләде. Озак еллар намуслы хезмәт итүчеләр бүләкләргә ия булды.
Карамасар авылы китапханәсе мөдире Альбина Бәшировага хәрби операциядә катнашучы Апас егетләренә ярдәм итү максатыннан узган хәйрия концертын оештыруда зур өлеш керткәне өчен, район башлыгының Рәхмәт хаты тапшырылды.
Сәхнәдә элек-электән халык яратып башкарган җырлар яңгырый. Район мәдәният йортында үтүче Милли мәдәниятләр һәм гореф-гадәтләр елын ачуга багышланган бәйрәм чарасында Иң уңышлы дип табылган чыгышлар күрсәтелә.Чара барышында иң яхшы авыл клубы мөдирен ачыклау максатыннан үткән бәйгегә нәтиҗәләр дә ясалды.
Гөлназ Вәлиева, Гадел Галеев, Ләлә Зәйнуллина. Апас районыннан Татрстан яңалыклары өчен.
