Америка Кушма штатларында татар камыр ашлары йорты ачылды. Нью-Йоркта татар диаспорасы вәкилләре тырышлыгы белән хәзер милли ризыкларыбыздан авыз итәргә мөмкин. Кунакларга кайсы төр ризыклар тәкъдим ителә? Ерак Америкадан безнең репортаж.
Пәрәмәч, элеш һәм инде әлбәттә очпочмак. Бер өчпочмак ике ярым доллар тора. Нью-Йорктагы гадәти татар камыр ризыклары – җирле халыкның да, биредә яшәүче Ватандашларыбызның да игътибарын җәлеп итә. Татар милли ашлары белән сыйлану өчен бирегә махсус килүчеләр дә байтак.
Без бирегә махсус бер сәгать килдек. Кәбестә, бәрәңге бөккәне сатып алдык.белән пирожкалар алдык. Кичә нәрсәләр сатып алганны оныттым да инде.
Камыр ризыклары «кечкенә Одесса» дип танылган Брайтон Бич районында өч ай элек ачылган. Биредә 90 нчы елларда күченеп килгән эмигрантлар яши. Шуларның берсе — Илһамия Апанаева, ул Америкада 10 елдан артык инде. Нәкь менә ул Татар милли ашларын әзерләүгә алынган.
Камыр ризыклары йорты турындагы хәбәр социаль челтәрләр аша тиз таралган. Ватандашларыбызның күбесе биредә булырга өлгергән инде.
Мин монда татарлар күп булыр дип көтмәгән идем. Алар туган телебездә «Исәнмесез» дип исәнләшкәндә, күңелнең ничек тулганын белсәгез иде. Бик рәхәт!
Камыр ризыклары йорты кичке кичкә кадәр эшли. Илһамия киләчәктә дә эшен дәвам итәргә ниятли. Ашамлыкларны төрләндерергә тырыша. Алар арасында яңалары да, танылган чәк-чәк тә булачак.
Мурат Метшин, Татарстан яңалыклары өчен Америка Кушма Штатлары, Йью Йорк шәһәреннән.
