Республикабызнын хэрбер районында диярлек, “Алдынгылар хәрәкәте” Бөтенроссия балалар һәм яшьләр хәрәкәте оештырылган. Аларнын хэрберсе дэ актив рэвештэ яшьлэрне жэлеп итеп кенэ калмыйча, э дорес тәрбия, эхлак-эдэп тошенчэлэрен булдырырга тырыша. Бу коннэрдэ Актаныш раойнында алдынгылар хәрәкәтенең утырышы узды. Районнын актив яшьлэре белэн Татарстан Республикасы Рәисенең ярдәмчесе Тимур Сөләйманов очрашты.
Ватанпәрвәрлек, бердәмлек, лидер һәм иң мөһиме – КЕШЕ булып калу. Алдынгылар хәрәкәте үсеп килүче буынны шушы кыйммәтләргә нигезләнеп тәрбияләргә ниятли.
Иң әүвәл паркта укучы яшьләрнең райондагы эшчәнлеге белән танышты. Яшьләр үзләре дә аның белән аралашып, үзләрен кызыксындырган сорауларын җиткерде.
Очрашу район белем бирү оешмалары җитәкчеләре белән эшлекле сөйләшүдә дәвам итте.
Алдынгылар хәрәкәтенең төп аудиториясе – 5 яшьлек балалардан башлап 22 яшькә кадәргеләр. Һәр яшь категориясе өчен фикер җиткерүнең үз ысуллары бар. 5-7 яшьлекләр өчен ул мультфильмнар, төрле уеннар җырлар булса, 16-18 яшьлекләр өчен – кино, интернет, музыка,уеннар.
Тимур Сөләйманов сүзләренә караганда, республиканың һәр районында иҗтимагый штаблар, ә мәктәпләрдә, көллиятләрдә һәм башка уку йортларында махсус клублар оештырыласы.
Очрашуда алга таба яшьләр тормышын файдалы итү хакында фикер-тәкъдимнәр тыңланды.
Регина Сәләхова, Марат Саррахов, Ләлә Зәйнуллина. Татарстан яңалыклары, Актаныш районы.
