Республика муниципаль берләшмәләре советы сьездында быелгы эшкә йомгак ясалды. Киләсе цифрлаштыру елына бурычлар билгеләнде. Тулырак киләсе репортажда.
Илкүләм проектлар һәм Татарстан президенты программалары уңышлы гына гамәлгә ашырылды.
Яңа мәктәпләр, балалар бакчалары, спорт комплекслары, фельшер-акушерлык пунктлары, ремонтланган юллар, коммуникацияләр, фермерларга субсидияләр. Боларны кешеләр күрә, яңа мөмкинлекләр өчен рәхмәт белдерәләр.
Киләсе елда цифрлаштыруга өстенлек бирелә. Эш планнары булдырыла. Буа районы башлыгы барлык инженер челтәрләренең электрон картасын булдыруны тәкъдим итте.
Һәр муниципалитет җитәкчесе башкарылган эшләр, алдынгы тәҗрибә белән уртаклаша. Әлбәттә, уңышлар тармак программаларыннан башка мөмкин булмас иде. Форум алдыннан урыннарда проблемалар турында да фикер алыштылар.
Проблемаларның берсе-авыл халкын сыйфатлы су белән тәэмин итү. Бүгенге көндә 32 процент суүткәргеч челтәр алыштыруга мохтаҗ – барлыгы 6 мең километрга якын. Вакыт үткән саен тузган магистральләр арта бара.
Республика Президенты сәнәгать парклары һәм мәйданчыклары үсешенә аерым игътибар бирергә кушты. Алар кече һәм урта бизнесны үстерергә булыша. Моннан тыш, хуҗалык итүнең кече формаларын үстерергә кирәк. Дәүләт ярдәме моңарчы күрелмәгән дәрәҗәдә артты.
Рөстәм Миңнеханов коронавирус йогышыннан саклану чараларын актив кулланырга чакырды. Кайбер урыннарда профилактик чараларга игътибар җитми.
Татарстан Президенты муниципалитетларның иң яхшы хезмәткәрләренә дәрәҗәле исемнәр, бүләкләр, ә муниципаль берәмлекләр Советы башлыгына яңа автомобильләргә сертификат тапшырды. Алар җирлекләр арасында ел саен үткәрелә торган смотр-конкурста җиңүчеләргә бирелде.
Дмитрий Второв, Владимир Юрков, Татарстан яңалыклары.
