Казанда һәм Россиянең кайбер башка шәһәрләрендә җәяүлеләр һәм электр самокатлары катнашында юл-транспорт һәлакәтләрен булдырмый калу өчен яңа чараларны куллана башладылар. Тротуарларга да хәрәкәт итмәүче полиция билгеләре куела. Бу яңалыкның кайсы урыннарда барлыкка килүен һәм иминлек өчен әһәмиятен хәбәрчебез дә бәяләде.
Кайбер велосипед яки самокат йөртүчеләр еш кына төп юлдан тротуарларга чыгып хәрәкәт итәләр. Башкаларның иминлеге турында уйланмыйлар, һәлакәт китереп чыгарырга мөмкиннәр.
Гадәттән тыш хәлләр килеп чыкмасын өчен, Казандагы торак комплексларынын берсендә тротуарларга махсус хәрәкәт итмәүче полиция билгеләрен куйганнар. Алар автомобиль трассаларындагы билгеләрдән тәбәнәгрәк. Велосипедта йөрүчеләргә уңайсызлык тудырмыйлар, ә самокатта аларны үтү проблемага әйләнә.
Әлеге махсус билгеләрне җәяүлеләр йөри торган урыннарга куйганнар. Бу участокларда хәвефле хәлләр булу куркынычы зур. Юлдагы каршылыкны күргәч, велосипед яки самокат йөртүчеләр тизлекне киметә. Юл аша түбән тизлектә чыгу мөмкинлеге туа.
Без әлеге билгеләрне кызу тизлектә йөрү мөмкинлеге булган участокларны сайлап урнаштырдык. Мондый билгеләр юл-транспорт травмаларыннан саклану өчен бик кирәк. Җәяүлеләр күп йөргән 26 урынга билгеләр куелды. Кешеләр уңай фикерләрен әйтә.
Быел илдә электр самокатлары катнашындагы аварияләр саны арткан. Кешелеәр тән җәрәхәтләре алып, хатаханәләргә киетерелә. Балалар арасында зыян күрүчеләр күп. Инициатива авторлары мондый чаралар хисабына юл-транспорт һәлакәтләре санын киметергә өметләнә. Юлларда шундый каршылык билгеләре Казанда, Мәскәүдә, Самарада һәм башка шәһәрләрдә барлыкка килгән.
….Александр Шмагин. Никита Граханцев, татарстан яңалыклары.
