Бәшир Рәмиев исемендәге АЙ-ТИ паркта «Акыллы Уеннар» җыентыкларына ия булган балалар бакчалары арасында беренче республикакүләм чемпионаты узды. Мәктәпкәчә балалар ярышыннан Мөршидә Җиһан репортажы.
Заманча проект «Бала-Сити» халыкара мультилингваль балалар бакчалары челтәре, Татарстан Республикасы Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм Татарстанның Мәгариф һәм фән министрлыгы ярдәме белән тормышка ашырыла.
Агымдагы уку елында 10 уеннан торучы программа Татарстан Республикасының 100гә якын балалар бакчасында укытылган. Шуңа да балалар өчен әлеге уеннар таныш. Эмиль Искаховка түбәтәй уены ошый.
Әлеге программа буенча 4 яшьтән алып 7 яшькә кадәрге балалар әзерләнә, әмма чемпионатта 580 бала катнашты.
Мин мондый дәрәҗәдәге кызыксынуны көтмәгән идем дип уртаклашты балаларның шат һәм уйнарга атлыгып торганнары үз күзләре белән күргән Марат Әхмәтов.
Тырышкан табар ташка кадак кагар. Ә монда кагасы юк бары тик Гаяз кебек уйнарга гына кирәк. Ул да кара кара, түбәтәй, читек уеннарын үз итә икән.
Гаяз өстәл уеннары чемпионаты әнисе белән килгән. Ачылыш тантанасында да әти -әниләрнең милли тәрбия бирүдә беренче роле ассызыкланды.
Балаларны, әти-әниләренә сөендергән уеннар «Бала-Сити» балалар бакчасы тарафыннан әзерләнгән автор программасы. Киләчәктә ул балаларны кызыксындырылык яңа проектлар өчен дә этәргеч булыр.
Чемпионат барышында төрле остаханәләр дә үткәрелде, сәләтле балалар иҗат осталыгын да күрсәтте.
Мөршидә Җиһан, Владимир Юрков Татарстан яңалыклары.
