Актанышның технология техникумы базасында “Һөнәри дебют” бәйгесе узды. Биредә район мәктәпләренең 9 сыйныфында белем алучы укучылары “Төзүче”, “Хисапчы исәбе” Пешекче Эретеп ябыштыручы, техникаларны механикалаштыру белгечлекләре буенча көч сынашты.
Егетләр төзүче, эретеп ябыштыручы Кызлар исә хисапчы һәм пешекче, ролендә. Укучыларның осталыкларын барлаучы Һөнәри дебют бәйгесе 9нчы сыйныф укучыларын сыный. Егет кызлар һөнәри техникумның җитештерү мәйданчыкларында ярыша.
Стеналарны эшкәртү шулай ук бәйгенең бер төре. Бу өлкәдә дә үзен сынап карарга теләүчеләр бар
Эретеп ябыштыру hөнәре буенча үзләрен сынап карага дип район авылларыннан 20гә якын укучы килгән. Арада әле беренче тапкыр гына эретеп ябыштыру аппаратын тотып караганнары да, инде бу җиһаздан файдалана белүчеләре дә бар.
Илназ Кадыйров Байсар авылы егете. Конкурсның техникаларны механикалаштыру юнәлешендә катнаша. Бәйге барышында жюри тарафыннан бирелгән биремнәрне үтәп, сорауларга җиңел генә җавап бирде.
Илназның мондый ише генә техниканы күргәне бар. Җәйләрен авылда комбайнчы ярдәмчесе булып эшли. Ир-егеткә техникаларның эшләү үзенчәлекләрен белү бигрәк тә авыл җирендә кирәк ди ул.
Егетләр техника белән мавыккан арада кызлар ашханәдә үз осталыкларын күрсәтте. Ризык әзерләү остаханәсендә кызлар пицца пешерүдә ярышты. Ашарга пешерү минем яраткан шогылем ди Камилә. Вакыт — вакыт өйдгеләрен дә тәмле ризыклар белән сыйлый икән.
“Профдебют” районкүләм конкурсы 6нче ел рәттән үткәрелә. Киләчәктә күбрәк укучыларны җәлеп итеп, республикакүләм һөнәри ярышларда катнаштыруны максат итә техникум җитәкчелеге.
Алия Галиуллина, Регина Салахова, Марат Саррахов.
