Актаныш укучыларының көзге каникуллары файдалы да кызыклы да уза. Шушы көннәрдә Җәмигъ мәчетендә ир балалар өчен дини лагерь оешты. Такталачык егете Рузәл Гыйзетдиновның яттан өйрәнгән догаларының берсе генә бу. Буш вакытларында өйдә әбисе белән төрледән төрле догалар өйрәнә. Актанышта дини лагерерь оешачагын белгәч тә ике уйлап тормаган, дини белемнәрен арттыру нияте белән бирегә килгән.
Ислам Нәбиевның да бирегә тәүге килүе түгел бу. Районда оештырылган дини лагерьлардан читтә калмаска тырыша ул. үзе белән бергә энеләрен дә алып килә.
Лагерьга районыбызның төрле авылларныннна 15 ләп бала җыелган. Лагерь дәвамында аларның саны тагын да арта ди Руслан хәзрәт.
Укулар Татарстан республикасының диния назәрәте тарафынанн төзелгән махсус программа нигезендә алып барыла. уку барышында балалар укып кына калмый, алар өчен төрле уеннар да оештырыла.
Балалар көн дәвамында дини мөгаллимнәрдән дәресләр алалар. Үзләрен кызыксындырган күп сорауларга җаваплар табалар.
Ләлә Зәйнуллина, Регина Салахова, Марат Саррахов, Татарстан яңалыклары, Актаныш районы.
