Ямалы мәктәбе укучылары “Балык булсын” дип исемләнгән акциягә кушылды. Нептун балыкчылар җәмгыяте тарафыннан оештырылган чарада катнашып, Ямалы күленә нарат ботаклары салды. Тулырак алдагы язмада.
Күлләргә балыклар уылдык чәчсен өчен Ямалы мәктәбе укучылары нарат ботаклары салалар. Әлеге акциядә алар бик теләп катнаша. Мәктәп укучысы Риназ Авзалов әлеге эшкә үз өлешебезне кертә алуыбыз безне бик сөендерә ди…
“Балык – булсын!” акциясен нептун балыкчылар җәмгыяте башка оешмалар белән бергәлектә тормышка ашырды. Әлеге чара районда беренче тапкыр гына уздырылмый. Агач ботакларын якын тирәдәге урманнан юнәлткәннәр. Әлеге эштә Миңзәлә урманчылыгының актаныш районы бүлеге ярдәм кулын сузган
Акция кысаларында балыкчылар һәм мәктәп укучылары ярдәме белән Ямалы күле яры буйлап километр ярым озынлыкта нарат ботаклары салынды. Сезон вакытында тагын 3 км га ботаклар урнаштыру планлаштырыла. Чара ахрында әлеге акөиядә катнашкан укучылар нептун балыкчылар җәмгыятеннән махсус бүләкләр алды. Аларның һәркайсына Балык тоту өчен кармак һәм күчтәнәч тутырылган пакетлар бирелде.
Динә Нәҗметдинова, Регина Салахова, Марат Саррахов, Татарстан яңалыклары.
