Актаныш районында “Төпле шәхес” дип аталган яшьләр форумы узды. Анда республикабызның төрле шәһәр-районнарыннан актив яшьләр катнашты.
Авылда үз бизнесын булдырырга теләгән яшьләр өчен Актаныш раойнының «Яшьлек» яшьләр үзәгендә «Төплешәхес» проекты буенча уку-бәйге узды. Ике көнлек укулар яшьләр өчен үз бизнесларын булдыруда зур ярдәм дип санный үзәк директоры Денис Могътазиров.
Әлеге проектта Казан, Алабуга, Әлмәт шәһәрләреннән, Актаныш районыннан булачак яшь эшмәкәрләр проект әзерләүнең үзенчәлекләрен өйрәнделәр. Үзләрен кызыксындырган сорауларга җавап алдылар. Проектта Чаллы зонасына караган 8 районнан егет-кызлар катнашты.
Шулай ук Актаныш районы мәктәпләренең 10 сыйныф укучылары һәм технология техникумы студентлары да үз осталык-белемнәрен сынап карады..
Әлеге проект республика яшьләре министрлыгы ярдәме белән тормышка ашырыла. Шуның нәтиҗәсендә республика белгечләрен дә җәлеп итүгә ирешелде. Бүләкләү фонды 50 мең сумны тәшкил итә. Катнашучылар үз проектларын төркем белән яки индивидуаль рәвештә яклый ала.
Форумның максаты-эш башлау моделен табу, кызыксындыру мөмкинлекләре, сүз осталыгы һәм үз-үзеңә бәя бирү сыйфатын булдыру.
Форум кысаларында Яшьләр белән очрашуда Республиканың Яшләр эшләре министры урынбасары Ренат Садыйков та катнашты. Укучылар белән киләчәктә уз юнәлешеңне билгеләү буенча кызыклы әңгәмә корды.
Проектларга мәртәбәле жюри бәя бирде. Иң кызыклы дип табылганнары акчалата бүләкләргә ия булды.
Чулпан Әмири, Регина Салахова, Татарстан Яңалыклары, Актаныш районы.
