Ай саен бирелә торган яңа түләүләргә Татарстанга 1 млрд 250 мең сум акча бүлеп бирелгән. Бу хакта социаль түләүләр бүлеге җитәкчесе Гөлсинә Сабирова матбугат конференциясендә хәбәр итте.
Россия Президенты Владимир Путин Указы нигезендә, ана капиталына хокуклы гаиләләр, хәтта сертификат акчалары тулысынча тотылса да, Яңа ярдәм чарасына исәп тота ала. Өстәмә түләү өч яшьтән өлкәнрәк булмаган балалар өчен бирелә. 3 ай – апрельдән июнь аена кадәр түләнә һәм ана капиталының күләменә берничек тә йогынты ясамый. Республиканың Пенсия фондына 80 меңгә якын гариза алынган. Шуларның 600 дән артыгы тикшерелгән.
