Актаныш үзешчән җыр һәм бию ансамбле үзенең милли рухы һәм талантлы башкаручылары белән республикада һәм башка төбәкләрендә танылды. Күптән түгел «Агыйдел» дәүләт җыр һәм бию ансамбле Казан тамашачылары алдында иҗади хисап тотты. Аыйдел ансамбленең филармония сәхнәсендә беренче генә чыгыш ясавы түгел. Чыннан да тамашачылар Агыйдел концертын көтеп алган. Зал тулы халык һәм дәвамлы алкышлар шуның дәлиле.Агыйдел ансамбленең тамашачы күңелен яулауга әлбәттә халыкчанлык, яңадан-яңа репертуар , аларга гына хас үзгә бер башкару осталыгы ярдәм иткән.
Быелгы концерт Бөек Ватан сугышының 75 еллыгына һәм Татарстанның 100 еллыгына багышланган иде.
Мөршидә Җиһан, Земфира Гыйлметдинова.
