Без Бөек Җиңүнең 75 еллыгына багышланган сәхифәне дәвам итәбез. Республикабызда Бөек Ватан сугышы ветераннарына медиина хезмәте күрсәтү буенча акция бара. Табиблар үзләре ветераннарны өйләренә килеп тикшерә, тиешле дәвалау-тернәкләнү курсын билгели. Чаллы табиблары да әлеге акциягә кушылды. Беренчеләрдән булып 92 яшьлек ветеран Равил Нуриәхмәтовның хәлен белештеләр, киңәшләрен бирделәр.
Равил Нуриәхмәтовка 92 яшь. Ул Минзәлә районының Бик-бау авылында туган. Фронтка 1944 елда эләгә, ул чакта аңа нибары 17 яшь була. Сугыштан соң ул өйләнә һәм Чаллы шәһәренә күчеп килә. аннары лаеклы ялга чыкканчы Комсомол горпромторгының директоры итеп билгеләнә. 67 ел алар Бәхетле гаилә булып яши. Равил Нуриәхмәтов Ватан сугышында катнашкан, II дәрәҗә «Ватан сугышы» һәм «Почет билгесе» орденнары, «Германияне Җиңгән өчен», «Японияне Җиңгән өчен», «Кореяне азат иткән өчен» медальләре, юбилей медальләре белән бүләкләнгән.
Олы яшьтә булуына карамастан, Равил Нуриәхмәтов саулыгына зарланмый. Тормыш иптәше белән еш кына урамда саф һавада йөриләр. Авыр еллардагы күп нәрсәне хәтердә сакларга тырышмау да матур уйларга бирелергә ярдәм итә ди ветеран. сәламәтлекне күзәтеп торабыз ди ул. Табиблар үзләре килеп кирәкле тикшерүләрне үткәрү – аеруча яхшы дип шатлана Равил Нуриәхмәтов .
Бөек Ватан сугышы ветераннарына медицина хезмәте күрсәтү буенча Акция 2013 нче елдан бирле үткәрелә. Табиблар бригадасы пациентларны карый һәм кирәкле дәвалау билгели.
Cугыш ветераннары госпиталенең баш табиб урынбасары Фәридә Шәрифуллина: «Без һәрбер ветеранга өенә чыгып, аларны комплексный медицинский осмотр үткәрәбез. Бу комплекса керә: терапевт, невропотолог, лор-врач, окулист. Аннан без кан анализын да алабыз, аннан электро-кардиограмма да ясыйбыз.»
Лилия Гатина Ленар Солтанов.
