126нчы балалар бакчасының 80 еллык тарихы бар. Шушы көннәрдә бай тарихлы мәктәпкәчә белем бирү учреждениесендә өлешчә капиталь ремонт төгәлләнде.
Башкарылган эшләрнең сыйфатын Казан мэры Илсур Метшин бәяләде. Әлеге бакча катнаш, анда тәрбия һәм укыту татар телендә алып барыла. Мөдир урынбасары Ралинә Хәбибуллина, әйтүенчә, күптән түгел интерактив уен комплексы урнаштыруга грант отканнар. Димәк, балалар уйный, биремнәр үти һәм бер үк вакытта телләр өйрәнә ала. 5 ел эчендә Татарстан башкаласында 57 мәктәпкәчә белем бирү учреждениесе яңартылды, дип искәртте шәһәр башлыгы.
