Дәүләт Думасында 8 июльне ял көне дип игълан итәргә тәкъдим иттеләр. Бу көнне илдә Гаилә, мәхәббәт һәм тугрылык көне билгеләп үтелә. Хәзер Россия Президенты Указы буенча әлеге дата рәсмиләштерелде. Озак еллар бергә дус, тату яшәгән гаиләләрне котлыйлар. Үрнәк гаиләләр арасында Биектау районының Ташлы Кавал авылынан Шуваловлар гаиләсе дә бар.
Аларның уртак тормыш юлы әле күп түгел. Гомер юлларын бергә үтәргә вәгъдәләшкәннәр. Бу парны күп нәрсә, уртак мавыгулар берләштерә. Яшьләр проблемаларыннан да читтә калмыйлар. Диләрә белән Владислав Шуваловларның гомер буена бер-берсенә ышаныч, мәхәббәт һәм тугрылык саклап яшәү хыялы белән зур.
Владислав кече архитектура формалары белән мавыга, йортта барысы да аның куллары белән ясалган. Диләрә Татарстан Аграр яшьләр берләшмәсе төбәк иҗтимагый оешмасын җитәкли, авыл яшьләренә эшмәкәрлекне башлап җибәрергә булыша. Яшьләргә гаилә кору гына аз, гаилә бәхетен саклап калырга кирәк, авырлыклар гаиләгә кире йогынты ясамаска тиеш. Татарстанда нинди шартларда үз торакыңны табарга була, балаларга нинди пособиеләр каралган, нинди ярдәм чаралары бар? Диләрә барысына да булыша.
Шуваловлар тормышка ашырырга хыялланган иң төп проект-үз тирәләрендә бәхетле яшь гаиләләрне мөмкин кадәр күбрәк күрү.
Бәхәстә хакыйкать туа – моны Шуваловлар гаиләсендә төгәл беләләр. Бу гаиләдә барлык мөһим мәсьәләләр турында фикер алышу, сөйләшү матур гадәткә кергән. Гаиләдә һәркемнең сүзе игътибарга алына.
Эльмира Исмәгыйлова, Татарстан яңалыклары, Биектау районы.
