Бүгеннән, ягни 5 нче декабрдан 13 нә кадәр, республикада — аномаль салкын һава торышы урнашыр дип көтелә, шул сәбәпле кисәтү игълан ителде. Синоптиклар фаразы буенча Бүген 5 нче декабрда бераз кар, көчле җил, көндез һава температурасы 11 градуска кадәр салкын.
Иртәгә 6 нчы декабрда, көндез һава температурасы 17 градус салкынга җитә. Җылы киенергә, юлларда игтибарлы һәм сак булыгыз. ТР Гидрометеорология һәм әйләнә-тирә мохитне күзәтү идарәсе фаразлавынча, 5-6 декабрьдә бераз кар явачак, 5 декабрьдә төнлә урыны белән буран көтелә. Төньяк-көнбатыштан секундына 5-10 метр тизлектә җил исәчәк, 5 декабрьдә төнлә аның тизлеге урыны белән секундына 15-17 метрга кадәр җитәчәк.
Иртәгә төнлә термометрның терекөмеш баганасы -13, көндез -11 градуска кадәр түбәнәячәк. Чәршәмбе, 6 декабрьдә, төнлә -19, көндез -17 градуска кадәр суыта.
Пәнҗешәмбе, 7 декабрьдә, республикада аз болытлы арктик антициклон урнаша. Якынча фаразлар буенча, бу антициклонның йогынтысы ким дигәндә 13 декабрьгә кадәр сакланачак. Һава температурасы төнге сәгатьләрдә -29, түбән урыннарда -34 градуска кадәр түбәнәячәк, көндез -25 градустан да югары күтәрелмәячәк. Аномаль салкын һава торышы көтелә, тәүлеклек уртача температура нормадан 10-20 градус түбәнрәк булачак.
5 декабрь көнне көчле суык булса, димәк, тиздән, бураннар башланыр. Бүген республикада Шторм кисәтүе игълан ителде. Синоптиклар әйтүенчә, циклонның тыл өлеше арктик антициклонга алышына. бу кисәк салкынаюның сәбәбе булачак, минус 34 төнгә һәм 25 көндез. Мондый фараз безне пәнҗешәмбе көнне көтә, ә бүген һава торышы көчле җил, көндез 11 градуска кадәр салкын булачак.
