Шушы көннәрдә Республикабыз районнарында мөмкинлекләр чикле кешеләр өчен “Абилимпикс” фестивале үтә. Аның кысаларында Саба районында мөмкинлекләр фестивале дип исемләнгән чара узды. Ул уникаль фестиваль, чөнки үзенә иҗади , профессиональ башлангычларны да берләштерә. Балалар 7 компетенция буенча көч сынашты, һәм иҗади алымнар аша үзләренә һөнәр сайлый алырга мөмкин иде.Чираттагы язма Саба раойныннан.
Абилимпикс сүзе астында чиксез мөмкинлекләр ачыла. Саба аграр көллияте базасында узган чарада Утар инвалид балалар йорты, Кызыл Мишә мөмкинлекләре чикле мәктәп укучылары, Лесхоз картлар йорты, “Балкыш” тернәкләндерү бүлегенә беркетелгән олылар катнашты.
Экспертлар әйтүенчә аларга кулга тотып эшләү, иҗат итү бик ошый.
Бу бәйгенең асылы мөмкинлекләре чикле кешеләрне җәмгыятькә яраклаштырып, һөнәрле итеп тәрбияләү.
Иң мөһиме һәр компетенциядә техник куркынычсызлыкны саклап, чиста, пөхтә эш итү. Эксперт Илнур Шәймурзин кирәк урында төзәтеп җибәрә, киңәшләрен җиткерә.
Эдуард Нәгыймовның да эше эксперт тарафыннан яхшы бәяләнде. 17 яшьлек егет бу төр белән яратып шөгыльләнә.
Бу мәйданчыкта бисердан эшләнмәләр ясау буенча көч сынашалар. Вак мәрҗәннәрдән муенса, беләзек үрәләр. Әмирхан өчен бу бирем җиңел бирелә.
Абилимпикс катнашучыларына ятлау, истә калдыру кебек биремнәр авыр бирелә. Араларында исә шигырь, җырга сәләтлеләре бар.
Көч сынашулар җырлап диярлек үтте. Монда җиңелүчеләр юк. Алар тормыш каршылыкларына бирешмичә, сәламәтлек кимчелекләрендә үз үзләрен җиңүчеләр.
Ләлә Зәйнуллина, Райлә Галәвина, Ирек Солтанов, Татарстан яңалыклары, Саба районы.
