Кремль Сараеның Андреев залында Владимир Путин Россия Президенты сайлауларында хуплаган ышанычлы затлар белән очрашты. Владимир Путинның ышанычлы затлары исемлегенә 544 кеше кертелгән иде — сәяси һәм иҗтимагый эшлеклеләр, мәдәният, сәнгать һәм фән вәкилләре, спортчылар. Очрашуда Татарстанның беренче Президенты, дәүләт киңәшчесе Минтимер Шәймиев та бар иде. Дәүләт башлыгы барлык ышанычлы затларга эшләре өчен рәхмәт белдерде.
Россия Президенты Владимир Путин Кремльдә, сайлауда аны хуплаган ышанычлы затлар белән очрашты. Әлеге исемлеккә 544 кеше кертелгән иде – бу сәяси һәм иҗтимагый эшлеклеләр, мәдәният, сәнгать һәм фән вәкилләре, спортчылар. Аларның күбесе бик катлаулы шартларда эшләде. Очрашуда Татарстанның беренче Президенты, Дәүләт Киңәшчесе Минтимер Шәймиев та бар иде. Дәүләт башлыгы барлык ышанычлы затларга эшләре өчен рәхмәт белдерде.
«Барыбыз да тагын бер тапкыр безгә күрсәткән ышанычлары өчен сайлаучыларга, Россия гражданнарына рәхмәт әйтергә тиеш», — дип искәртте Путин.
Ул сайлау нәтиҗәләренең билгеләнгән курска зур ышаныч күрсәтүен билгеләп үтте. «Әлбәттә, җаваплылык хисе күп тапкыр арта. Чөнки кешеләр нәтиҗә, без әйткән һәм безнең планнарда өстенлек сыйфатында билгеләнгән әйберләрнең гамәлгә ашырылуын көтә», — диде дәүләт башлыгы.
