Бу көннәрдә Буаның “Яшьлек” спорт комплексында мини-футбол буенча Республика беренчелегенең финал уеннары уза. 2008-2009 елгы уенчылар булган унбер иң көчле команда. Уеннарны ачу тантанасын хәбәрчебез дә күзәтте.
Футбол мәйданчыгында көчләр кыза бара. Футбол тубы җанатарларның кайнар хуплаулары астында әле бер як капкага, әле икенчесенә табан оча. Ярышларны рәсми ачуга кадәр дүрт команда мини-футбол кырында очрашырга өлгергән инде.
Ә инде лидерлыкка чыккан яшь футболчылар алдында яңа перспективалар ачыла. Беренче-икенче урынны алган командалар Алтын кубок, өченче-дүртенче урындагылар Көмеш кубок өчен ярышачаклар.
Уеннарны ачу тантанасында җәйге республика беренчелегендә призлы урыннарны алган командаларны Буа районы башлыгы исеменнән бүләкләделәр. Шул исәптән җәйге уеннарның фавориты булган буалы яшүсмерләрне дә.
Рөстәм Әхмәдуллин, Илнур Кадыйров, Татарстан яңалыклары
