Дәүләт Думасы депутатлары мәктәп укучыларына дәрес вакытында кәрәзле телефон куллануны тыя торган закон проектын беренче укылышта кабул итте. Бары тик укучының тормышы һәм сәламәтлегенә куркыныч янау белән бәйле хәлләр генә искәрмә булып тора.
«Без шуны әйтергә тиеш: укучының сәламәтлеге турында сүз барган очракларны, белеем бирү процессы вакытында укытучы тарафыннан элемтә чарасын кулану ихтыяҗы белән бәйле хәлләрне санамаганда, телефоннардан файдаланырга ярамый», — дип ачыклык кертте Дәүләт Думасы спикеры Вячеслав Володин.
Элегрәк улTelegram-каналында әлеге законны кабул итүкирәклегетурындасораштыруүткәргәниде. Билгеләп үтелгәнчә, тавыш бирүчеләрнең 84 проценты белем бирү учреждениеләрендә смартфоннар куллануны тыюны хуплаган.
Володин билгеләп үткәнчә, закон проектын икенче укылышка әзерләгәндә укытучыларны да, ата-аналарны да (канәгатьләндергәнкарар табу күздәтотыла.
Искәртеп узабыз, Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) тәкъдиме белән мәктәпләрдә яңа уку елыннан, аерым очракларны исәпкә алмаганда, дәрестә элемтә чараларын кулану формаль рәвештә тыелды инде. Әмма законда билгеләнгән мондый норма, экспертлар фикеренчә, «смартфоннардан дөрес файдалану позициясен көчәйтәчәк».
